XOGO DO SÚPER NA PDI

   Esta semana estivemos a mercar diferentes produtos no supermercado (froitas e verduras, carnes, lácteos e sobremesas).
   O primeiro era escoller a lista da compra, con 3, 4, 5 ou 6 alimentos en función das idades. Logo tocaba recordar dita lista e metelo todo no carro.
   Deste xeito, ademáis de traballar vocabulario entrenamos a memoria:

XOGO DE SOPRO CON MATERIAL DE REFUGALLO

   Inventamos un xogo reutilizando uns vasos de iogur. Primeiro fixémoslles un oco, logo pintámolos e finalmente pegámoslles enriba os números do 1 ó 6.
   O xogo consiste en darlles 3 intentos de sopro para meter unha pelota dentro dos vasos e así ir conseguindo puntos, tantos coma os números dos vasos onde entre a pelota (estando máis preto o número 1 e máis lonxe o 6):

PUZLE DE RECICLAXE

   Esta semana fixemos un xogo sobre a reciclaxe. Consiste en varios puzles có debuxo dos diferentes contedores, neste ocasión só o fixemos có de papel e cartón, envases e orgánico. 

   Collimos un saquiño e metimos nel as pezas que completaban ditos puzles e deste xeito, había que meter a man no saco, sacar un obxeto e, ademáis de nomealo, pensar en qué contedor se bota:

RULETA: DISCRIMINACIÓN S-Z

   Comezamos este xogo falando das diferenzas de son S e mailo Z. De cómo se emiten cada un deles e asignámoslle un animal a cada fonema. Ó S relacionámolo cunha serpe e ó Z cunha abella.
   Logo tocou xirar a ruleta para ver se nos tocaba unha palabra con S ou con Z e amosar a tarxeta correspondente:

¿CAL CAMBIOU?

   Este xogo foi pensado para traballar a memoria e o vocabulario. Consiste en amosarlle a un/unha alumn@ 3, 4 ou 5 debuxos (dependendo da súa idade). Unha vez que os nomeou o os mirou un anaquiño, outr@ nen@ toca un dado da pizarra e así cambia un debuxo mentres o/a que os estivo a mirar xírase ou tapa os ollos. De ahí o título do xogo xa que hai que adiviñar qué debuxo cambiou, cal non estaba antes!