Pipas de sopro

    Neste último taller do curso foi o alumnado o que elexiu os xogos a realizar, aqueles que máis lles gustaron ao longo do curso. O favorito en todas as escolas foi o de falar por teléfono e logo algún outro como as marionetas ou os cociñeiros tolos. 

   Unha vez rematada a sesión repartimos as pipas de sopro elaboradas coas botellas de auga que trouxeron da casa. Encantáronlles!!!

BO VERÁN!!!

DESFRUTADE AS VACACIÓNS!!!

 

"Matasuegras"

   Nesta semana fixemos o Brainbox, un xogo de memoria e atención no que primeiro tiñan que observar unha lámina para logo tapala e respostar preguntas sobre ela:

  E para rematar levamos para casa os nosos "matasuegras":

 

Vermes bailóns

    Ademáis dunha actividade de discriminación auditiva e outra de comprensión oral de frases, fixemos un xogo de sopro que lles gustou moito e que é moi sinxelo de facer en casa. 

   No seguinte video poderedes ver primeiro a explicación de cómo se elaboran e logo os nosos vermes!!

Últimas actividades dos talleres

Un dos xogos que levamos a cabo para traballar o razoamento foi o Conectados, de Bizak, consistente en coller duas tarxetas (unha azul e outra vermella) e pensar qué debuxo da tarxeta vermella está relacionado con algún debuxo da tarxeta azul. 

Tamén realizamos unha nova actividade para a ruleta coa que traballar a conciencia fonolóxica e maila articulación de dous fonemas, nesta ocasión o /t/ e mailo /k/. Primeiro había que xirar a ruleta e pensar o son polo que comezaba o debuxo que nos tocou. Logo tiñamos que colocar dito debuxo na pecera correspondente.

Memoria auditiva

 Un dos xogos desta semana foi este Genially da páxina Siembra Estrellas co que traballamos a memoria auditiva. En primeiro lugar tiñamos que escoitar 3 palabras, logo repetilas e por último colocar os seus debuxos en orden.  

Novo taller

   Nesta ocasión comezamos imitando praxias con Bori: 

  Seguidamente xogamos cun material novo "Adivina quien soy" de Cefa Toys. Con este xogo tiñamos que ir escoitando unha pista tras outra ata conseguir adiviñar de qué personaxe, obxeto ou animal se trataba: 

   

Xogos de sopro

 Nestas últimas sesións estivemos a facer algúns xogos de sopro que gustaron moito e que non son tan doados como parecen.

  O primeiro consistía en meter varios papeliños dentro dun vaso succionándoos cunha palliña:

O seguinte foi encestar pompóns dentro dos vasos que estaban diante: 

Discriminación /r/ suave-/r/ forte

    Comezamos este taller visualizando un video para coñecer os dous sons da letra R e a súa discriminación: 

  Logo realizamos o xogo do monstruo come-letras, da páxina Orientación Andújar. Unha vez presentados os dous monstruos, un do /r/ suave e outro do /r/ forte, soupemos que tiñan moita fame e había que darlles de comer. A súa comida eran unhas galletas con variados debuxos que contiñan os sons /r/ ou /rr/. Despois de meter a man nun saco e coller unha galleta tocaba pensar a qué monstruo lle dabamos a que nos tocou.

Nombre, apellido, cosa, animal

  Con este novo material traballamos os campos semánticos e a conciencia fonolóxica xa que unha carta indicaba qué era o que tiñamos que decir, do campo semántico que nos tocase, e outra carta o son polo que tiña que comezar, por exemplo: animal de granxa pola P. 

  

Día da paz

  Con motivo do día da paz realizamos esta actividade, do blog Crisálida AyL, que nos permitiu traballar a conciencia fonolóxica, semántica así como o razoamento coa temática da paz.

  Pinchade sobre a imaxe para descargala:

  Rematada ésta, levamos a cabo un xogo para traballar a atención consistente en colocar no chan unha serie de tarxetas con animales mariños de cores variadas. Así, tiñamos que tirar os dados de formas ou de cores e ver quen atopaba por exemplo unha tarxeta con unha tartaruga, un peixe e un tiburón.

 

Novos xogos á volta do Nadal

  Comezamos o mes de xaneiro "cociñando" varias receitas duns cociñeiros tolos que non sabían dónde tiñan os ingredientes necesarios para elaboralas. Deste xeito traballamos a atención así como o vocabulario dos alimentos. 

  Por equipos había que axudar a atopar os ingredientes de cada cociñeiro. Unha vez  os conseguíramos todos, tocaba metelos no forno e xa tiñamos o prato preparado para degustar. 

   Seguidamente traballamos a morfosintaxe cun matreial que lles gustou moito. Tiñamos que xirar a ruleta e coller tantas tarxetas como nos indicase. Logo tocaba colocalas na orde que quixeramos e inventar un pequeno conto con todas elas.